القصواء ، ناقة الرسول محمد صلى الله عليه وسلم

القصواء ، ناقة الرسول محمد صلى الله عليه وسلم 

حيوانات كتير تم تخليدها في التاريخ لمجرد ارتباطها بأمور دينية 

ولمجرد ذكرها في القرآن الكريم 

منهم الغراب اللي اتكلمنا عليه في حلقة من حلقات حكايات 

واللي ارتبط اسمه بحادثة قتل هابيل وقابيل

وزي الحوت اللي شال سيدنا يونس 

والهدهد اللي نقل سر مملكة بلقيس لسيدنا سليمان 

والنمل اللي ذكر في حديثه مع نبي الله سليمان 

وناقة نبي الله صالح ..

وغيرهم وغيرهم كتير جداً جداً

والنهارده هنتكلم عن واحدة من الحيوانات اللي العرب 

قدسوها لفترة طويلة .. فترة حياة النبي محمد عليه الصلاة والسلام

لكونها خدمته وشالته لوقت كبير جدًا وكمان حارب وهاجر بيها 

وهي ناقة الرسول عليه الصلاة والسلام

أو ما تسمى بالقصواء .. 

تابعونا علشان تعرفوا أكتر عن ناقة رسولنا الكريم عليه الصلاة والسلام

الناقة القصواء .. 

سماها العرب أغلى ناقة في التاريخ

لحملها رسول الله محمد عليه الصلاة والسلام

وكانوا بيقدسوها وبيحبوها بشكل كبير جدًا  

مكان ولادة القصواء كان مضارب بني قشير بالجزيرة العربية

والرسول عليه الصلاة والسلام اشتراها بسعر أربعمائة درهم 

 من أبي بكر الصديق رضي الله عنه صديقه الأقرب

وصفاتها حسب ما ذكر المؤرخين كالتالي 

 لونها أحمر بين البياض والسواد وأقرب إلى البياض 

وسرعتها كانت تفوق كل باقي النوق في شبه الجزيرة

وكانت وديعة لا تؤذي أحد من البشر أو الحيوانات

وسماها العرب ولقبوها بألقاب كتير جدًا منها 

 الجدعاء بمعنى المقطوع أحد طرفي أذنها

أوالقضباء أي الطويلة كالنخيل والعصباء للونها الأحمر 

أو كمن تعصبت بتاج فوق رأسها 

أما معنى الأسم الأشهر لها القصواء وإنما راجع لشدة سرعتها

وكمان القصواء معناها الدابة اللي صاحبها أقصاها عن العمل 

ورعاها وحافظ عليها بشكل كبير  

القصواء اشتراها النبي صلى الله عليه وسلم وعمرها أربع سنوات

 وعاشت معه أحد عشر عاما، وماتت وعمرها 15 عاما

ومكان سكنها واقامتها الدائم كان

 حوش البقيع شرق المسجد النبوي الشريف والمكان ده 

اللي اتدفن فيه كل صحابة رسول الله 

وهو مزار مهم جدًا في الوقت الحالي 

وكان معروف عنها انها مرسلة غير مربوطة

وطعامها كان دايمًا من أعشاب حوش البقيع اللي كانت بتطلع بسبب المطر 

وللقصواء فضائل كتيرة جدًا 

منها انه هاجر بها النبي صلى الله عليه وسلم إلى المدينة

ولما جم يختاروا مكان لناء المسجد النبوي .. انتظروا المكان 

اللي هتبرك فيه وبناءًا على مكان بروكها

أصبح مكان المسجد النبوي الشريف بحي بني النجار 

والقصواء كانت هي الدابة الوحيدة من دواب الرسول 

التي كانت تطيق نزول الوحي وهو على ظهرها ولا تبرك عند نزول الوحي 

طاف النبي صلى الله عليه وسلم حول الكعبة المشرفة وهو راكب على القصواء

وحضرت معاه أغلب الأحداث المؤثرة والمهمة 

في حياته واللي ترتب عليها مستقبل ووضع الإسلام

زي مشاركتها في غزوة بدر

والرسول عليه الصلاة والسلام كان راكبها يوم فتح مكة ..

وكمان سافر بيها لصلح الحديبية 

وسافر بيها للعمرة وطاف بيها حول الكعبة 

 أشاد النبي صلى الله عليه وسلم بحسن خلقها .

وكانت لسرعتها المعهودة تفوز بسباقات الجمال 

وانهزمت مرة فحزن المسلمون حزنا شديدا 

و تعظيماً لها فأطلقوا على الرسول عليه الصلاة والسلام

إسم من ضمن أسمائه صاحب الناقة القصواء 

أردف النبي صلى الله عليه وسلم معه فيها أكابر الصحابة

 وبعثها مع كرام الصحابة رضوان الله عليهم في مهمات كتير جدًا

بعد وفاة النبي صلى الله عليه وسلم حزنت القصواء حزناً شديداً

 ورفضت الطعام والشراب، فعصبت عينها من شدة الحزن

 حتى ماتت في أول خلافة أبي بكر الصديق رضي الله عنه

الناقة القصواء حضرت مع رسولنا الكريم 

أحداث كبيرة مهمة زي ما قولنا أثرت في حياة المسلمين 

ومستقبل الإسلام .. وماتت من الحزن متأثرة بموته

عليه الصلاة والسلام

دلوقت بعد ما سمعت حكايتنا النهارده

عن ناقة الرسول عليه الصلاة والسلام

القصواء .. تفتكر عندك معلومة زيادة أو مختلفة 

عن اللي سبق وذكرناه في حلقتنا 

لو عندك معلومة مختلفة ياريت تقولنا في الكومنتات

وما تنساش تعملنا لايك وتشترك في القناة

علشان يوصلك كل حكاياتنا

وبكده تكون انتهت حكايتنا .. 

استنونا في حكاية جديدة