انتحل شخصية أمير سعودي ، واستولى على ملايين الدولارات .. تعرف على النصاب الأخطر في القرن الواحد والعشرين 

سبق واتكلمنا على النصب وإنه موجود بأشكال كتير مختلفة بين الناس

وفي كل المجالات .. والمقولة بتقول ، قصاد كل نصاب بيتولد 

بيتولد ١٠٠٠ مغفل وساذج ، وكمان ذكرنا 

إن النصاب بيستمد قوته من الطماع 

فلولا وجود الطمع اللي بيعمي عيون الناس

لما وجد النصب .. الحقيقة حكايتنا النهارده 

هتكون عن نصاب من نوع مختلف وخاص جدًا 

نصاب قدر خلال سنتين يكون مليونير 

ومن أصحاب الرأي والكلمة وأصحاب الشركات 

اللي بيعتد بيهم في مواقف كتير سياسية واقتصادية

قدر يتحول من لاشيء لأن يصبح حد مهم للغاية 

النصاب أنتوني جينياك هو موضوع مقالنا النهارده

ولد جينياك في كولومبيا في أمريكا الجنوبية  

 وتبنته أسرة أمريكية في ولاية ميتشيغان لما كان عمره ١٧ سنة

ومن العمر ده تحديدًا بدأ في انتحاله لشخصيات كتير متعددة 

هنتعرف عليهم خلال حلقتنا ولكن أبرزهم كان انتحاله شخصية أمير سعودي ،

 عن طريق استخدام هوية مزيفة لاستصدار بطاقات ائتمان

 ولخداع عاملي المتاجر والمستثمرين.

الكولومبي " انطوني جينياك “ جمع عدداً من المشردين 

ولبسهم بدلات رسمية وجعلهم حراسه ومرافقيه 

واستأجر عدد كبير من السيارات الفخمة 

وادعى أنه أمير سعودي من العائلة المالكة !! ..

وبالطريقة دي قدر ينصب على عدد كبير من رجال الأعمال

 وجمع عدة ملايين عن طريق تأسيس شركة وهمية

 عام 2015 بإسم Marden Williams

كما زور جواز سفر دبلوماسي بإسمه 

وأصدر عدة شيكات مزورة في عدة بنوك

 وكان يتنقل في أفخم المطاعم والفنادق 

هو ورفاقه المشردين من غير ما يدفعوا قرش واحد ..

معتمد في كده على سمعته كأمير سعودي من العيلة المالكة

وانه دايمًا كان بيعلن عن رغبته في الاستثمار في الفنادق اللي بيقيم فيها 

أصبح جينياك في ظرف سنتين مليونير واشترى عدة منازل فخمة 

وسيارات فارهة كمان قدر انه يتجوز ستات كتير

 من امريكا و الارجنتين وكولومبيا والبرازيل 

بأسماء مستعارة وبطاقات مزورة

 وكان بيقول لضحاياه أنه يحمل حصانة دبلوماسية 

ومحدش يقدر يلعب معاه معاه وحصانته دي هتسهل عليهم تعاملات تجارية كتير

وبالفعل مشيت الأمور معاه بكل سلاسة وبساطة

رجل أعمال كبير وثري وكل المظاهر تدل على كده 

أوراقه سليمة وكلها بتدل انه أمير سعودي 

شريك في مشاريع كتير جدًا بمليارات 

 لعند ما في يوم قابل رجل الأعمال الأمريكي " جفري سوفر “

 وعرض أنتوني عليه أنه يشاركه وإنه عنده رغبة في استثمار مبلغ كبير معاه

تحديدًا 440 مليون دولار في فنادق جفري سوفر .. 

لكن اللي ما كانش يعرفه أنتوني إن جفري عنده علاقات كتير سابقة 

مع رجال أعمال سعوديين ورجال من العيلة المالكة بس حقيقيين

 جفري شك في الموضوع بعد ما إكتشف أن أنتوني لا يتقن اللغة العربية

بالشكل الكافي ، وإنه مجرد عارف بعض المصطلحات البسيطة 

اللي تمكنه من إجراء محادثة قصيرة مع رجال الأعمال باللغة العربية 

لمجرد ابهارهم واقناعهم ، كمان لاحظ جفري إن أنتوني بيأكل لحم الخنزير

وده خلاه يتأكد إنه بيتعامل مع نصاب 

 فتحرى عنه وكشف هويته الحقيقية وتم القبض عليه عام 2017

 وتم سجنه في ميامي بولاية فلوريدا .. وللعلم سبق لانتوني إنتحال 

عدة شخصيات منها أنه شقيق رئيس الهند وسفير لدولة الدومينيكان

 ووكيل وزير المالية الإسباني وعميل فيدرالي أمريكي 

وحتى إنه الإبن الغير شرعي لرئيس كولومبيا .. ده ما خلاش يا جماعة 

ده ناقص إنه يقول إنه المسيح الدجال بس 

أنتوني كان بيعتمد على تطبيق الإنستاجرام بشكل كبير لنشر مدى ثراءه بين متابعيه

فكان دايمًا بيتصور وهو لابس أغلى المجوهرات ويسافر بطائرات خاصة

 وبسيارات تحمل لوحات دبلوماسية، كما كان يحمل بطاقات عمل

 يصف نفسه فيها بأنه "الأمير سلطان بن خالد آل سعود".

ولكن حبل الكذب قصير، وحكم علي أنتوني بالسجن لمدة 18 سنة بتهمة الاحتيال.

وقال قاض المحكمة في ولاية فلوريدا الأمريكية إن جينياك البالغ من العمر 48 عاما 

ما هو إلا محتال انتحل هوية أمير سعودي من أجل اختلاس 8 ملايين دولار

 من عشرات المستثمرين طبعًا ده كان كل هدفه ٨ مليون دولار 

ولكن أنتوني لما لقى الموضوع ماشي معاه .. كمل وقدر يكون ثروة تتخطى ال ٢٠٠ مليون دولار

خلال ٣٠ سنة ده غير الهدايا اللي كان غرقان فيها من رجال الأعمال 

اللي عايزين ينولوا رضا الأمير 

ده غير أنه ألقي عليه القبض 11 مرة خلال الثلاثين سنة دول 

لإدارته "نشاطات تتعلق بشخصية الأمير".

ولكن كان بيقدر يبرأ نفسه بطرق كتير ملتوية 

دلوقت بعد ما عرفت قصة واحد من أقوى وأذكى النصابين في التاريخ

واللي استمرت قصته لمدة ٣٠ سنة بيتنقل من بلد لبلد

ومن شخصية لشخصية .. تفتكر إيه ممكن يخلي حد يعمل كده ؟

ليه حد ممكن يعيش كدبة لمدة طويلة بالشكل ده مع انه عارف انه مسيره يوم يتكشف 

لو تعرف أكتر عن أنتوني جينياك او غيره من النصابين ياريت تحكيلنا في الكومنتات