حرب أكتوبر (أيام عيد الغفران) التسلسل الزمني المبسط لساعات الحرب .. ساعات تهدم أسطورة الجيش الذي لا يقهر " بداية النهاية "

حرب أكتوبر (أيام عيد الغفران) التسلسل الزمني المبسط لساعات الحرب  

ساعات تهدم أسطورة الجيش الذي لا يقهر 

"  بداية النهاية "

6 أكتوبر 1973 

الساعة الثانية ظهرًا 

الساعة 2 الضهر بتسمع جولدا مائير

وأعضاء الحكومة الإسرائيلية كلهم صافرات الإنذار 

بتضرب على الجبهة وفي تل أبيب كلها 

حالة من الرعب بتحاوطهم وفزع فقدانهم للحلم اليهودي 

وتحملهم لفشل ضياع الكيان اللي بيحاولوا يبنوه لسنين 

كان سبب في توترهم كلهم 

ومع إن جولدا مائير كانت عارفة هي وكل أعضاء الحكومة بخبر الحرب 

اللي المفروض تكون الساعة 6 مساءًا 

إلا إنهم تفاجئوا بقوة هجوم المصريين 

قبل ميعاد الحرب بـ 4 ساعات بحالهم 

ففي الوقت اللي كانوا بيتفقوا على تفاصيل حشد قواتهم 

وكانوا مختلفين كمان في أعداد التعبئة العامة للقوات 

ولكن صعقوا لما سمعوا صدى 220 طيارة مصرية 

بيتفادوا الرادارات الإسرائيلية بطيرانهم على ارتفاع منخفض بيصل ل 30 متر 

وخلال دقايق كانوا قدروا يضربوا كل المناطق الحصينة على خط بارليف 

وقدرت تضرب مراكز القيادة ومحطات الرادار 

وبطاريات الدفاع الجوي وتجمعات الأفراد 

والمدرعات والدبابات ومصافي النفط وكمان مخازن الوقود 

وبنسبة نجاح للضربة الجوية بـ 95٪ 

عدت الدقايق الأولى على كل فرد في اسرائيل بصعوبة 

وخصوصاً رئيسة الوزراء جولدا مائير 

واللي كانت بسبب مرضها بورم في الغدد الليمفاوية

فكانت بتخوض حربين ، واحدة على الجبهة 

وواحدة تانية بينها وبين نفسها 

لأن من أعراض مرضها الجانبية كانت الخرف 

وكانت طول الوقت بتشوف هلاوس سمعية وبصرية 

واللي زودها أصوات الحرب والقصف

وصرخات جنودها اللي ضحت بيهم بسبب غطرستها 

الساعة 02:05

بعد 5 دقايق بس من الضربات الجوية

قصفت المدفعية المصرية الأهداف الإسرائيلية 

على الشاطئ الشرقي للقناة 

وقدر سلاح المهندسين يبني جسور تعدي عليها الجنود 

والمركبات الخفيفة ، علشان يلاقوا نفسهم قدام 

خط بارليف المنيع والمكون من 35 حصن 

واللي كان أغلبهم اتدمر بالفعل بضربات القوات الجوية 

وبإستخدام حيلة بسيطة قدر سلاح المهندسين والعساكر المصريين 

يحولوا خط بارليف لشوية تراب ممهد للعبور 

لما استخدموا مضخات مياه ، وخلال ساعتين بس 

قدروا يزيحوا 1500 متر مكعب من خط بارليف 

لكن خلال الساعتين دول حصل ايه ؟!

الساعة 02:20

خلال تدمير خط بارليف .. نقلت المدفعية نيرانها 

لعمق خط بارليف علشان تأمن مرور جنود المشاه 

وخلال 4 ساعات من التوقيت ده .. وتحديدًا الساعة 6:30

قدر يعبر القناة ألف ظابط مصري 

و30 ألف جندي ومع مرورهم من القناة 

قدر سلاح المهندسين إنه يفتح ثغرات أكتر في خط بارليف 

علشان تمر منه الدبابات والمركبات البرية 

الساعة 8:30

بعد بداية الحرب بـ 6 ساعات ونص 

قدرت القوات المصرية انهم يبنوا أول جسر لمرور الدبابات 

والمعدات الثقيلة وبعدها بساعتين ، الساعة 10:30

كانوا بنوا 7 جسور تانية و31 معدية 

يوم 7 أكتوبر 1973

الساعة الثامنة صباحاً

الساعة 8 صباحًا ليوم 7 أكتوبر 

وبعد أقل من 24 ساعة بس من بداية الحرب 

كانت القوات المصرية عبرت قناة السويس بالكامل 

بخمس قوات مشاة بكامل أسلحتهم وألف دبابة 

وبكده وخلال ساعات بتتحطم أسطورة الجيش الذي لايقهر 

وبيتدمر حلم بناء دولة إسرائيل اللي بتمتد من النيل للفرات