أغرب القوانين على مر التاريخ

 

أغرب القوانين على مر التاريخ 

دايمًا القوانين وظيفتها في كل مجتمع إنها تحفظ الحقوق 

وتنظم تعاملات الناس بينهم وبين بعض 

ولو دورنا في أي بلد على قوانينها هنلاقيها بالضرورة 

تتناسب وتتوافق مع عادات البلد دي وتقاليدها 

ولأن الأساس في القوانين دايمًا بيكون العرف السائد في البلد

لأنه أقوى من أي قانون وضعي بحكم إن أهل البلد 

عايشين بقواعده بقالهم سنين طويلة 

ومتعودين عليه وبيحترموه بشكل تلقائي

فالطبيعي اننا نلاقي قوانين غريبة جدًا في مجتمعات 

تبدو لينا متحضرة ، ولكنها محافظة على قوانينها القديمة 

لغرض ما محدش يعرفه غيرهم .. 

وده اللي هنحكيه في حكايات النهارده من برنامج حكايات

عن اغرب القوانين على مر التاريخ 

القانون الأول ، «ضرب الزوجة مرة كل شهر».. 

في ولاية أركانساس الأمريكية.. فيه قانون بينص على 

إنه من الضروري ضرب الزوجة على الأقل مرة كل شهر

بالرغم من أن الولايات المتحدة الأمريكية، ليها قوانين عصرية في الزواج،

 إلا أنه مازالت هناك عدة طقوس وأعراف غريبة 

طاغية على شكل القوانين في ولاية أركانساس الأمريكية،

وده من خلال قانون صدر عام 1800، 

والغريبة أنه مازال ساري لعند النهارده ، 

حيث ينص هذا القانون على أنه من حق الزوج 

ضرب زوجته على الأقل مرة كل شهر.

طبعاً القانون ده لو موجود في مصر 

كان زمان الرجالة هايصة ، وكله نازل ضرب في كله 

وكله بالقانون.. 

القانون الثاني ، في ولاية آيوا الأمريكية ، فيه قانون بينص على التالي 

 «على الرجل ذي الشاربين تقبيل زوجته علنًا»

ومن قوانين أمريكا اللي بتثير الدهشة كالعادة ، ففي ولاية آيوا الأمريكية، 

بينص القانون عندهم أنه على أي راجل عنده شاربين أنه لازم ولابد 

انه يبوس زوجته علنًا قدام الناس أو زي ما بيقولوا in public  وإلا يعد مخالفة للقانون

وده ممكن يعرضه للحبس أو الغرامة .. 

والحقيقة محدش فاهم هو إيه الغرض من القانون ده

وتفسيرهم ليه مجرد تفسير وهمي ولا يمت للواقع والعلم اللي بيدعون بصلة 

لأنهم بيقولوا ان لو ده ما حصلش هيكون نذير شؤم على الولاية كلها 

ودي أغرب حاجة ممكن تسمعها .. وعلى رأي المثل اللي قال 

إن لم تستح ، فافعل ما شئت 

لسه مكملين في أمريكا ، لكن دلوقت من ولاية يوتا الأمريكية.. 

بقانون من أغرب القوانين واللي بينص على التالي ، 

«الرجل يتزوج ابنة عمه وعمرها 65»

وتنهال أمريكا على العالم بقوانينها الغربية، ففي ولاية يوتا الأمريكية، 

ينص القانون لديهم على أنه يسمح للرجل الزواج من ابنة عمه، 

عندما يتجاوز عمرها الـ 65، لأنه يعتقد في هذا السن أنهم يصبحا عاقلان وحكيمان،

لكن قبل السن ده فهما غير صالحين للزواج ببعضهما البعض 

ومش كده وبس .. لأ كمان يعد الرجل مسئول عن تصرفات زوجته، 

ويعاقب على الأخطاء التي تقترفها بدلًا عنها ، يعني تعمل المصيبة 

وهو يلبسها لا مؤاخذة .. 

وهنا عندنا في مصر في مثل بيقول 

اللي يتكسف من بنت عمه ما يجيبش منها عيال 

هناك بقى في ولاية يوتا الأمريكية القانون بيقول 

إن اللي يتجوز بنت عمه يشيل مصايبها ومشاكلها

وتغلط ويتحاسب بدلها .. ربنا يتولانا 

احنا لسه في أمريكا من ولاية ماساتشوسيتس الأمريكية..

واللي بيطبق فيها أغرب قانون من قوانين الزواج 

واللي بينص على « 6 طيور سوداء مهر »

ينص القانون في ولاية ماساتشوسيتس الأمريكية، 

أنه يشترط على العريس أن يقوم بصيد 6 طيور سوداء أو 3 بقرات، 

و عليه انه يقدمهم مهر لزوجته 

طبعًا القانون ده مش في غرابة القوانين اللي قبله 

لكن قد يكون عفا عليه الزمن مش أكتر 

لكن الأكيد أنه مش مبالغ فيه زي اللي بنسمعه النهارده في مصر 

أخيرًا خرجنا من أمريكا ودلوقت احنا في هونج كونج.. 

ومع قانون بينص على «قتل الزوجه لزوجها الخائن بيديها بدون وسيلة»

تعد عقوبة الزوج الخائن في هونج كونج من أبشع العقوبات، 

حيث يسمح القانون هناك بقتل الزوجة لزوجها الخائن، إذا ضبطته في حالة الخيانة،

 ولكن يشترط أن تقتله بيديها دون استعمال أي وسيلة أخرى .

والحقيقة ان العال مليان قوانين غريبة جدًا أغلبها يختص بمسألة الزواج 

زي في الهند مثلاً .. يقدر الزوج على رهن الزوجة بدل الدين

أو في اليابان مثلاً .. اللي عندهم قانون بينص على إن الأبن الأكبر يتزوج خطيبة الشقيق الأصغر

أو في البرازيل مثلاً .. اللي عندهم قانون بينص على إلغاء عقد الزواج في 10 أيام

 في حالة اكتشاف الزوج أن العروسة ليست عذراء.

وغيرها وغيرها من القوانين الغريبة 

لو سمعت يوم أغرب من كده قوانين 

ياريت تقولنا في الكومنتات