" أغرب قوانين العالم المتحضر ! "

 

"  أغرب قوانين العالم المتحضر !  "

خدعوك فقالوا إننا عالم تالت ومش متحضرين 

مع إننا أصل الحضارات .. بس تقول إيه بقى 

دول من المفترض إنها سابقة كل العالم 

في النظام والحريات ، ولكن لما تدقق في قوانينها وأعرافها 

تعرف على طول إن تحضرهم مجرد كدبة كبيرة 

القوانين وظيفتها في كل مجتمع إنها تحفظ الحقوق 

وتنظم تعاملات الناس بينهم وبين بعض 

ولازم تتوافق مع عادات البلد وتقاليدها 

لأن الأساس في القوانين دايمًا بيكون العرف السائد في البلد

لأنه أقوى من أي قانون وضعي بحكم إن أهل البلد 

عايشين بقواعده بقالهم سنين طويلة 

ومتعودين عليه وبيحترموه بشكل تلقائي

فالطبيعي اننا نلاقي قوانين غريبة جدًا في مجتمعات 

تبدو لينا متحضرة ، ولكنها محافظة على قوانينها الرجعية القديمة 

لغرض ما محدش يعرفه غيرهم .. وأول الدول دي 

بلد الحريات والديمقراطية الولايات المتحدة الأمريكية

واللي مليانة بقوانين غريبة لا تمت للعلم ولا للمنطق بصلة 

وأول القوانين دي .. «ضرب الزوجة مرة كل شهر».. 

في ولاية أركنساس الأمريكية فيه قانون بينص على 

إنه من الضروري ضرب الزوجة على الأقل مرة كل شهر

وده من خلال قانون صدر عام 1800 و مازال ساري لعند النهارده  

ايه ده ؟ ضرب الزوجة في أمريكا بالقانون ؟ 

شوفت ازاي ؟ حريات دي ولا مش حريات ؟

طبعاً القانون ده لو موجود في مصر 

كان زمان الرجالة هايصة ، وكله نازل ضرب في كله 

وكله بالقانون.. 

القانون التاني بقى من ولاية آيوا الأمريكية ، واللي بينص على 

 (وجوب تقبيل الرجل ذو الشارب لزوجته علنًا)

ايه ده ؟ انا مش فاهم .. ولا هما فاهمين يا صاحبي  

بالبلدي دي كده القانون ده معناه انه على أي راجل عنده شاربين أنه لازم ولابد 

انه يبوس زوجته علنًا قدام الناس أو زي ما بيقولوا in public  

وإلا يعد مخالفة للقانون وده ممكن يعرضه للحبس أو الغرامة ..  

لأنهم بيقولوا ان لو ده ما حصلش هيكون نذير شؤم على الولاية كلها

دي مش بلد علم .. دي بلد هجص   

لسه مكملين في أمريكا ، لكن دلوقت من ولاية يوتا الأمريكية.. 

بقانون من أغرب القوانين واللي بينص على إنه 

لا يجوز زواج أبناء العم إلا في عمر ٦٥ سنة 

يا جماعة هو مش المفروض إن الجواز ده 

قبول وتراضي وبيخضع للحريات زي ما انتوا بتقولوا 

صح .. بس هنكر ..

والقانون ده معناه ببساطة أنه يسمح للرجل الزواج من ابنة عمه، 

بعد ما يتجاوز عمرهم الـ 65، لأنهم في السن ده عاقلين وناضجين 

لكن قبل السن ده فهما غير صالحين للزواج من بعض أبدًا  

ومش كده وبس .. لأ كمان يعد الرجل مسئول عن تصرفات زوجته، 

ويعاقب على أخطاؤها ، يعني تعمل المصيبة وهو يلبسها لا مؤاخذة .. 

وهنا عندنا في مصر في مثل بيقول 

اللي يتكسف من بنت عمه ما يجيبش منها عيال 

هناك بقى في ولاية يوتا الأمريكية القانون بيقول 

إن اللي يتجوز بنت عمه يشيل مصايبها ومشاكلها

وتغلط ويتحاسب بدلها .. ربنا يتولانا  

احنا لسه في أمريكا من ولاية ماساتشوسيتس الأمريكية..

واللي بدلوا القايمة والدهب بقانون بينص على 

أنه يشترط على العريس أن يقوم بصيد 6 طيور سوداء أو 3 بقرات، 

و يقدمهم مهر لزوجته طبعًا القانون ده مش في غرابة القوانين اللي قبله 

لكن قد يكون عفا عليه الزمن مش أكتر 

أخيرًا خرجنا من أمريكا ودلوقت احنا في هونج كونج عاصمة اليابان  

ومع قانون بينص على «قتل الزوجه لزوجها الخائن بيديها بدون وسيلة»

والحقيقة إن عقوبة الخيانة في بلد متحضرة زي اليابان من أبشع العقوبات، 

فبيسمح القانون هناك بقتل الزوجة لزوجها الخائن، لو مسكته متلبس

 ولكن يشترط أن تقتله بيديها دون استعمال أي وسيلة أخرى .

والحقيقة إن العالم مليان قوانين غريبة جدًا أغلبها يختص بمسألة الزواج 

زي في الهند مثلاً .. يقدر الزوج على رهن الزوجة بدل الدين

وغيرها كتير من القوانين والأعراف الغريبة 

اللي بتدل على حاجة واحدة بس .. 

ما تصدقش كل اللي بيتقالك عن الدول دي 

من تحضر وحريات .. وما تصدقش انك عالم تالت .. فشر