تزوج ٩٠ مرة وأنجب مئات الأطفال - العربي الأغرب على الإطلاق ..

تزوج ٩٠ مرة وأنجب مئات الأطفال - العربي الأغرب على الإطلاق ..

لو متخيل إنك متعدد المهام ومفيش منك اتنين 

تعالى بقى أوريك اللي عمرك ما شفته 

بني آدم زيه زيك بالظبط ولكن بإمكانيات جبارة 

اشتغل مذيع وصحفي وسباح ومفتي وشيخ 

وكاهن ومغني ودبلوماسي .. 

اتجوز ٩٠ مرة شرعي و ٢٠٠ جوازة مدني 

خلف ٣٦٥ ذكر وما يعرفش عنده كام بنت 

وعنده أكتر من ١٠٠٠ حفيد 

 ‏الصحفي والإذاعي والرحّالة (يونس صالح خلف الجبوري بحري) 

 عراقي من قبيلة الجبور العربية ‏واتولد سنة 1900 في مدينة  الموصل

وسبب تسميته بإسم يونس البحري 

دخوله لمسابقة لعبور بحر المانش 

قبل ما تبدأ بساعات وبدون أي تدريب وفاز بالمركز الأول 

حمل 15 جنسية (السورية ، الانجليزية، العراقية ، اللبنانية ،

 الاردنية ، السعودية، اليمنية ، الليبية، التونسية، المغربية وغيرهم ..

كان إذاعي و‏أسس 16 اذاعة زي إذاعة بغداد، ليبيا، برلين، 

الخرطوم، تونس، الجزائر، المغرب، باريس، وبرضه غيرهم كتير 

ده غير أنه ‏أتقن ١٧ لغة (التركية، الفارسية، الكردية، الهندية، الماليزية،

 الاندونيسية، الألمانية، الفرنسية الانجليزية،

 الهولندية، الإسبانية ، الايطالية، البرتغالية)

وبرغم جوازاته الكتير دي اللي قربت ل٣٠٠ جوازة 

إلا إنه ما كانش بيتجوز إلا من عائلات معروفة وعريقة 

‏و كان بيُنهي حياته الزوجية ببعض الكلمات 

بيكتبها على مراية غرفته قبل ما يمشي

أسس يونس البحري جريدة العرب في باريس 

وهناك طالبوه بتلاتة مليون فرنك ضريبة دخل

في حين إن القانون الفرنسي بيعفي من الضريبة اللي عنده أكتر من ١٢ إبن 

فقدملهم بيانات ٤٥ ولد واتحركت بلدية باريس تجمعهم 

من دول كتير مختلفة واستضافتهم لمدة ٤٠ يوم في حدث استثنائي 

سنة ١٩٥٤ وغطته صحف ومجلات كتير منهم مجلة آخر ساعة المصرية 

 يونس كلن صديق شخصي لهتلر وهو اللي أقنعه بتأسيس 

إذاعة برلين العربية وإنها تبث قرآن كريم لجذب العرب 

والغريب إنه مش كان إذاعي وصحفي بس 

لا ده كان كمان خطيب مفوه .. وبسبب موهبته دي 

بعته الملك عبد العزيز علشان يشتغل داعية 

في جنوب شرق آسيا .. وفضل يترقى في منصبه 

لعند ما بقى مفتي أندونسيا .. وهناك اتجوز ٤٠ زوجة أندونيسية 

وغير منصبه الديني وكل سفرياته ومشاغله دي 

إلا إنه لقى الوقت إنه يألف ١٦ كتاب 

منهم (الحرب العراقية البريطانية ، حي العرب برلين ،

 وسبعة أشهر في سجون قاسم ) 

يونس البحري شخصية غريبة جداً وتحمل 

عدة نتاقضات مهولة ما تتصدقش 

لف العالم ٤ مرات ، و اتحكم عليه بالاعدام اكتر من مرة 

حج ٢٢ مرة ، وكان إمام مسجد وراهب وسكير 

ومطرب في نوادي ليلية .. وصديق لرؤساء 

وأمراء وملوك .. وهتلر نفسه منحه لقب مارشال 

الأغرب من حياة يونس البحري وفاته 

اللي برغم كل النجاحات دي والثروات اللي جمعها

إلا إنه مات ١٩٧٩ وهو فقير ومعدم 

ودفن على حساب بلدية بغداد .. 

بعد ما سمعت قصة يونس البحري

الراجل متعدد المواهب والمهام .. لسه فاكر انك ما عندكش وقت ؟