مشروع سيرن وتسريع يوم القيامة

 

مشروع سيرن وتسريع يوم القيامة  

مستغربين إيه السر ورا كل الكوارث الطبيعية

اللي بتحصل في الفترة الأخيرة

النهارده في حلقة حكايات .. هنتكلم عن نظرية 

بيثيرها بعض الناس ومؤمنين بيها جدًا 

نظرية بتقول إن سبب كل الكوارث الطبيعية دي 

حاجة واحدة ومشروع واحد بس .. 

هو مشروع سيرن .. 

بعض النظريات بتقول إن الكون نشأ عن طريق إنفجار كبير .. إسمه بيج باااانج ..

 وبعد سنين كتير اتكونت المجرات والأرض ، 

وطبق الصيني اللي إنت بتاكل فيه ده دلوقت .. بس الكلام ده خطير لدرجة كبيرة .. 

معناه يعني ، إن الطبيعة خلقت نفسها بنفسها ، بدون إله .. 

الكلام ده فيه علماء حاربت لسنين طويلة علشان تثبته ، وناس من العامة كتير مصدقينه ..

 لدرجة إنهم قرروا يعيدوا التجربة دي تاني ..

علشان يعرفوا الكون بدأ إزاي بالظبط .. 

لكن ما يعرفوش إن الموضوع ده ممكن يؤدي لكارثة..

تفتكروا هينجحوا في ده ؟!

سنة 52 تم إطلاق مشروع من أخطر وأكبر المشاريع 

اللي حصلت في تاريخ البشرية مشروع سيرن 

CERN إختصار للمنظمة الأوروبية للأبحاث النووية 

واللي بتعتبر أكبر وأضخم مختبر في العالم في فيزياء الجسيمات 

يعني بيعملوا تجارب على كل ما هو أصغر من الذرة 

زي البروتونات ، والنيترونات 

المنظمة نفسها عندها مختبرات كتير عالمية من أشهرها 

مصادم الهدرونات الكبير 

واللي أطلقوا عليه إختصارًا LHC

Large Hadron Collider

مشروع سيرن إتأسس بين فرنسا وسويسرا 

ووظيفة الجهاز ده هي تسريع الجسيمات إلى سرعة قريبة من سرعة الضوء 

وهو عبارة عن نفق تحت الأرض ب 100 متر ، و طوله 27 كيلومتر 

النفق ده عبارة عن أنابيب على شكل حلقات  

و الحلقات دي بيتشكل فيها مجال مغناطيسي كبير جدًا 

واللي بيساعد على تسريع الجسيمات داخل المصادم 

وهما بيتحركوا بشكل عكسي للوصول لنقطة التصادم 

والتصادم بينشأ إنفجار كبير جداً 

غرضهم منه إكتشاف بوزون هيجز وده جسيم صغير جدًا

من وجهة نظرهم إن الجسيم ده اللي هو المسؤول عن إكتساب المادة لكتلتها

علشان كده سموه جسيم الرب 

وهدفهم من الإختبار ده هو إكتشاف تاريخ الكون بعد الإنفجار العظيم 

وعلشان يوصلوا للإنفجار ده بيطلقوا حزمة بروتونات 

وفي الإتجاه المعاكس حزمة نيترونات 

وبيوصلوا في سرعتهم لسرعة الضوء 

وبعدين يركزوا على الجسيمات اللي بتنشأ من التصادم ده 

طب أنا مش شايف مشكلة من الكلام ده 

لأ طبعًا فيه مشكلة كبيرة من الكلام ده ، 

وإنه زادت الكوارث الطبيعية على الأرض بعد تشغيل المصادم ده لأول مرة 

والتجارب دي ممكن في يوم من الأيام تبيد البشرية وتقتل عدد كبير من البشر 

هما بيقولوا للناس أهداف مختلفة بتفيد البشرية 

لكن هل ده فعلاً حقيقي ؟! 

الحقيقة إن فيه نظرية تانية بتقول إن الهدف الرئيسي من مشروع سيرن

 هو فتح بوابات لعوالم موازية وده اللي قالته المنظمة سنة 2010  

وأعلنت عن تكلفة المشروع الضخمة ٢٤ مليار دولار .. 

والدول الأعضاء اللي بتستثمر في المشروع ده ٢٢ دولة .. تخيل ؟! 

منهم فرنسا وسويسرا ، وانجلترا والمانيا ودول تانية كتير 

الغريب بقى اللي ما تعرفوش 

إن المنظمة دي كانت البداية الرسمية لشبكات الإنترنت ياااه ..

 قد إيه الناس دول كانوا مهتمين إنهم يعرفوا أسرار كل شخص في الكرة الأرضية 

ودي كانت المحطة الأولى للوصول لهدفهم الرئيسي هو إيه ؟ 

قلنا من دقيقة إن الهدف الرئيسي من مشروع سيرن 

هو فتح بوابات لعوالم موازية 

وهو ما أطلقوا عليه السلم الصاعد للسماء تجربة قديمة مين عملها 

النمرود .. أول من تعامل مع إبليس 

والأيام بتعيد نفسها ، وبيعمله دلوقت الممول الرئيسي الأول للمشروع 

عائلة روتشيلد الصهيونية اللي بتدير العالم في الخفاء 

و اللي ممكن برضه نخصصلها حلقة لوحدها لو حابين 

المنظمة حالياً بتنشأ نفق دائري طول 100 كيلو متر 

تحت بحيرة جينيف 

وده هيكون أقوى بكتير من النفق الموجود حاليًا 

اللي طوله 27 كيلو متر بس 

متخيل كم الطاقة الهائلة اللي هتصدر من المصادم ده ؟!

طب متخيل كم الخراب اللي ممكن يسببه ؟! 

وزي ما قولنا من شوية إنه من أول مرة إشتغل فيها المصادم 

وزادت عدد الكوارث الطبيعية زي زلازل و موجات تسونامي 

كتير في كل حتة في العالم  في سنة 2008 بعد تشغيل المصادم 

سُمعت أصوات غريبة جاية م السما وتجارب تانية في سنة 2012 

وبعدها بدأت تظهر دوائر سودا في السما 

مش مفهوم جت منين أو معناها إيه 

والكلام ده شافه كل العالم ومحدش عارف 

هل اللي بيحصل ده بسبب تجاربهم ولا أحداث مفتعلة  

عالم الفيزياء البريطاني المشهور (إستيفن هوكينج)

قال إن تجارب سيرن مع الوقت 

ستؤدي حتمًا إلى صنع ثقب أسود عملاق بيتلع كوكب الأرض بالكامل 

ويقضي على الحضارة البشرية بأكملها وإتهمهم بالجنون   

كمان حذر عالم الميكاترونكس البريطاني ستيفن كويل 

من الكارثة اللي بيجري الإعداد لها داخل مصادم سيرن 

وقال إن مجموعة من المجانين يرقصون رقصة إله الدمار شيفا 

وهم يفتحون أبواب الجحيم 

 تفتكروا بعد اللي سمعتوه في حكاية النهارده

هل السبب في كل الكوارث الطبيعية اللي بتصيب الأرض

ممكن يكون مشروع سيرن ؟

ولا فيه أسباب مختلفة 

ياريت تشاركونا بأرائكوا في الكومنتات 

وبكده تكون انتهت حكايتنا النهارده

استنونا في حكاية جديدة