الأجسام الطائرة المجهولة - UFO

  

الأجسام الطائرة المجهولة - UFO

تفتكر احنا عايشين لوحدنا في الكون ؟

ولا ممكن يكون فيه مخلوقات تانية على كواكب تانية 

ما نعرفش عنها أي حاجة ؟ 

الحقيقة ده سؤال مثير جدًا .. ومن سنين طويلة 

بندورله على إجابة مؤكدة بـ آه أو لأ 

وللإجابة على السؤال ده .. كان لازم الأول نعرف 

هو إيه اللي خلى الناس يقولوا إننا مش لوحدنا في الكون ؟

إيه اللي فتح باب الاحتمال ده من أساسه ؟

أحب أقولك إن اللي فتح باب إحتمال زي ده 

عدد من الظواهر الغير طبيعية اللي بيزيد مشاهدينها 

سنة بعد سنة ، ظواهر بيسموها الأجسام الطائرة المجهولة .. أو ال UFO

في البداية لازم نعرف يعني ايه ufo 

واللي معناها بكل بساطة .. Unidentified flying object

يعني حاجة طايرة مجهولة الهوية والمصدر 

طب إمتى بالظبط بدأت الناس ترصد وجود ال ufo ؟ 

و إمتى تحديدًا بدأوا يطلقوا مصطلح ufo ؟ ده اللي يهمنا 

تحديدًا في أواخر أربعينيات القرن العشرين و الخمسينيات،

 انتشرت تسمية الأجسام الطائرة المجهولة بـ«الأطباق الطائرة».

يعني الناس ربطت الجملتين ببعض تحديدًا

  وشدت الأجسام الطائرة المجهولة الانتباه في وقت الحرب الباردة، 

بسبب الخوف الشديد على الأمن القومي 

وبعدين رجع الاهتمام بالظواهر دي مرة تانية 

في العقد الأول من القرن الحالي، لأسباب غير واضحة. 

برغم كده ، كل الدراسات اللي من علماء حقيقيين قالت

 أن الظاهرة دي لا تشكّل خطر على الأمن القومي، 

وكمان مش مادة جديرة بالبحث العلمي 

طيب يا جماعة لما الظاهرة غير جديرة بالدراسة والبحث

زي ما بتقولوا .. ليه كل اللجان دي لدراستها ؟

وليه كل الفلوس والبحث ده وراها ؟

وليه كمان كل الأفلام اللي بتمهد ليها 

وأكنها من صناعتكوا انتوا وبتمهدوا للناس ظهورها ؟

أسئلة كتير جدًا والحقيقة احنا ما بنوعدكوش بإجابة واضحة 

في 24 يونيو عام 1947 بلّغ الطيار المدني كينيث آرنولد 

عن مشاهدته تسعة أجسام طائرة تنتظم في سرب واحد 

بالقرب من جبل رينييه بمقاطعة بيرسي بولاية واشنطن

وحدد آرنولد سرعة الأجسام دي بـ١٩٣١ كيلومتر في الساعة 

 وقال آرنولد أن الأجسام كانت تطير على هيئة أطباق، 

وده اللي خلى التقارير الصحفية تستخدم إسم «الأطباق الطائرة» لوصف الحدث 

إنما أثبتت الدراسات أن غالبية مشاهدات الأجسام الطائرة المجهولة

 هي عبارة عن إساءة إدراك لأجسام عادية زي أقمار صناعية أو ظواهر طبيعية ، 

 وأجرام فلكية زي النيازك، والنجوم ، والكواكب. 

لكن بقيت نسبة أقل من 10% من المشاهدات المبلّغ عنها بلا تفسير تمامًا

في الوقت الحالي تدرس الاستخبارات الأميركية أكثر من 500 بلاغ

 عن أجسام طائرة مجهولة (UFO)،

 فيه منها أكتر من 100 بلاغ لمشاهدة الظواهر دي غير معروفة.

غير أنها رصدت 247 ظاهرة جوية مجهولة على الأقل 

من آخر تقرير أصدرته الاستخبارات الأميركية في يونيو 2021  

ومنها نحو 200 من الظواهر دي تفسيراتها عادية،

 مجرد بالونات، أو طائرات مسيرة، أو طيور أو ظواهر مرتبطة بالطقس،

وزي ما سمعنا مؤخرًا عن حادثة بالون الطقس الصيني 

واللي ضربوه بالطيران بحجة انه بيتجسس على الأراضي الأمريكية

وكونت الحكومة الأمريكية لجنة فرعية للاستخبارات في مجلس النواب

 لمكافحة الإرهاب ومكافحة التجسس ومكافحة انتشار الأسلحة

 عقدت في مايو 2022 جلسة استماع حول الأجسام الطائرة المجهولة

وكان أهم شاهد في الجلسة دي هو سكوت براي نائب مدير المخابرات البحرية الأميركية 

واللي أدلى بشهادته أمام اللجنة اللي ناقشت "الظواهر الجوية غير المحددة"، 

وتخضع الأجسام غير المفسرة لتدقيق من البنتاغون والاستخبارات الأميركية

 ووكالة الفضاء الأميركية (ناسا)، خشية أن تكون أدوات تجسس تابعة للدول الخصوم.

وأكد آخر تقرير صدر من الحكومة الأمريكية أن 

"الظواهر الجوية غير المحددة طبيعتها لا تزال تشكل خطرا على سلامة الطيران،

 وتمثل تهديد محتمل في مجال جمع المعلومات الاستخبارية" من الدول المعادية. 

الغريب في الأمر إن محدش من الحكومة الأمريكية أنكر وجود 

أجسام طائرة مجهولة المصدر .. وفي نفس الوقت محدش طرح 

تفسير منطقي واضح ١٠٠٪ للظواهر دي 

واللي حواليها نظريات كتير جدًا .. زي مثلاً

إن دي ممكن تكون أسلحة تحت التطوير

وممكن كمان تكون فعلاً جاهزة للتشغيل ولكن ليها وقت محدد هتطلع فيه .. 

ناس تانية راحت لأبعد من كده وأن هتلر نفسه كان عنده 

أسلحة طيران تشبه ما يسمى بالأطباق الطائرة

وفي الوقت ده كان بيقوم بتطويرها .. 

وناس تانية قالت إن الأسلحة دي يمتلكها سكان جوف الأرض 

أو اللي بيسموهم الرماديين .. 

وتفسيرات كتير جدًا مفيش منها تفسير واحد 

نقدر نقول عليه الحقيقة الكاملة .. لأن مفيش حقيقة كاملة  

انت بقى إيه رأيك بعد ما سمعت كل ما يقال

عن موضوع الأجسام الطائره المجهوله

او ال UFO  تفتكر دي أطباق طايرة 

وأصحابها فضائيين .. ؟ 

ولا دي مجرد أسلحة متطورة بيد بشر .. وبتتجهز لحرب كبيرة ؟

ولا ده كله مجرد وهم مش اكتر .. ؟