" 5 أشخاص غيروا مجرى التاريخ - أنهوا حياة أكتر من 200 مليون إنسان "

أخطر أشخاص على مر التاريخ .. حكموا شعوبهم بالحديد والنار 

وأنهوا حياة أكتر من 200 مليون بني آدم

مش بس خلال الحرب .. لأ ده في حالة السلم كمان

أقساهم كان الزعيم الصيني (ماو تسي تونج)

واللي كان عنده سلطة مطلقة على ربع سكان الكرة الأرضية

لمدة ٢٧ سنة بحالهم ، وقدر خلال فترة حكمه 

إنه ينهي حياة ٧٠ مليون بني آدم من غير أي حروب 

ومش بس البني آدمين اللي اتأذوا منه

لا ده كمان دشن حملة بإسم الآفات الأربعة

وقضى فيها على العصافير والناموس والدبان والفيران 

والحملة دي لوحدها كانت سبب في موت ٢٠ مليون صيني 

بسبب المجاعات اللي تسبب فيها انتشار الجراد 

تاني أخطر شخص مر على وجه الأرض كان 

جوزيف ستالين زعيم روسيا .. 

واللي أنهى حياة ٦٠ مليون شخص خلال ٣٠ سنة 

فترة حكمه ، بمعدل ٢ مليون شخص في السنة 

واتعددت صور موتهم بين قتل غير مسؤول 

وارهاب وتهجير قسري ومعسكرات عمل بالسخرة

وكل ده في حالة سلم غير ال ٢٠ مليون بني آدم 

اللي ماتوا في وقت حكمه في الحرب العالمية التانية

ثالث أخطر مخلوق مشي على الأرض 

كان جنكيز خان .. مؤسس الإمبراطورية المغولية

أضخم إمبراطورية في التاريخ .. واللي امتدت

من كوريا في الشرق للدولة الخوارزمية الاسلامية في الغرب

ومن سهول سيبريا في الشمال لبحر الصين في الجنوب

وبسبب نزعته الاستعمارية اللي أسس عليها حكمه 

مات ٤٠ مليون بني آدم في حروب ونزاعات 

استمرت لأكتر من ١٦٠ سنة 

صاحب المركز الرابع بين الأخطر في العالم 

ليوبولد الثاني .. ملك بلجيكا و الملقب بالسفاح

وده اشترى دولة بحالها و طلع عليها كل عقده النفسية

قدر ليوبولد الثاني يشتري دولة الكونغو 

بطريقة خبيثة بعد استغلاله لجهل زعماء القبائل 

وأقنعهم بالتوقيع على عقود بيع أراضيهم 

مقابل قطعة ملابس واحدة كل سنة 

ولما اكتشفوا الفخ اللي وقعهم فيه 

اعترضوا وكان مصيرهم إنه احتل الكونغو 

وأنهى حياة ١٥ مليون شخص بحالهم 

والشخص الخامس بقى ما يختلفش عنه كتير 

بل هو أسوأ من ليوبولد ، احنا هنا بنتكلم عن 

بول بوت الزعيم والجنرال الكمبودي .. واللي قتل ربع شعبه 

طب على الأقل ليوبولد كان مستعمر 

إنما بول بوت قضى على ٣ مليون فرد 

من شعبه اللي هو واحد منهم 

وصل بول بوت لرئاسة الوزراء في كمبوديا 

سنة ١٩٧٦ وبدأ في الحرب على شعبه 

وكان عددهم في الوقت ده أقل من ٨ مليون بني آدم 

ومارس عليهم كل الجرايم .. من اعدامات 

وتصفية للمعارضة والعمل القسري

وسوء التغذية والرعاية الطبية السيئة 

وكل ده حصل خلال ٣ سنين بس 

والخلاصة .. مش كل اللي بيخلدهم التاريخ صالحين 

ولا يستحقوا الذكر .. وتخليدهم جه بسبب جرايمهم 

وأثرهم في العالم كان كبير ، لكن دموي 

تفتكر بقى إنك تهمش في التاريخ ومحدش يذكرك بخير ولا بشر 

  مش أحسن من تخليد اسمك بالجريمة ؟