"  أكبر جريمة في تاريخ التعليم .. كوستا ينهي حياة زملائه بسبب التنمر .. طفل بعقلية قات**ل محترف"

فاكر لما العيال كانت بتتريق عليك في المدرسة 

بسبب ودانك اللي عاملة زي الطبق ؟ 

كنت طبعًا ما بتسكتلهومش وبتجيب حقك تالت ومتلت

وفي الآخر الموضوع بيتقلب لضحك وهزار 

ساعتها كانت اسمها تريقة .. شقاوة .. كده يعني 

إنما من ساعة ما سموها تنمر 

والحال ما بقاش هو الحال .. وبقى جزاء التنمر 

بيوصل أحيانًا للقتل .. 

ده اللي حصل بالظبط مع طالب صربي عنده ١٤ سنة 

إسمه كوستا .. واللي قتل ٩ أشخاص 

بسبب التنمر وبقى صاحب رقم قياسي جديد

واتسجل بإسمه أكبر جريمة حصلت في تاريخ التعليم الصربي 

كوستا كان طفل هادي ومتفوق في دراسته جدًا 

ولكن كان بيتعرض للتنمر من زمايله طول الوقت 

لعند ما في يوم اتعصب عليهم وهددهم بالقتل 

وده اللي خلاهم يزودوها شوية ويتريقوا عليه بزيادة 

في اليوم ده روح كوستا وهو مقرر أنه هيقتلهم 

وبدأ يحط خطة ما تخرش الماية ولا حسن شحاتة 

خطة خدت منه شهر كامل .. خطة كاملة الأركان 

فعمل كشف بأسماء الطلبة اللي هيقتلهم 

ورسم مخطط لحركته جوه المدرسة وقت تنفيذه للجريمة 

ولا أجدعها مجرم قضى نص حياته في السجن 

أخد كوستا مسدس والده واللي كان بيدربه عليه طول الوقت 

لعند ما بقى قادر إنه يستخدمه بسهولة 

وبعد شهر من التخطيط .. تحديدًا يوم ٣ / ٥ 

خد مسدسه وشد ع المدرسة

وأول حد بيواجهه كان حارس المدرسة

واللي حاول يمنعه بأي شكل من الأشكال

لكنه قته .. بكل بساطة ، وما اتفاهمش معاه 

وبعد ما خلص على الحارس.. دخل على حصة التاريخ

وكان هنا مكان ضحيته التانية .. مدرس التاريخ 

واللي قتله كوستا بسبب إنه اشتكاله قبل كده 

من تنمر صحابه عليه لكن تجاهله المدرس

فمن وجهة نظر كوستا كان لازم يموت .. 

وبعدين دخل على الطلاب اللي كتبهم في الكشف 

واحد .. واحد .. وقتلهم كلهم .. ٦ بنات 

وصديقه السابق .. وكل ده تم في ٢٥ ثانية 

ده رقم قياسي .. وبعد ما عمل جريمته 

وخلص على كل اللي مضايقينه .. بكل بساطة 

بلغ عن نفسه ولما وصلت الشرطة 

سلمهم كل الأدلة وكل مخططاته .. 

وقالهم انه مريض نفسي .. ومش هيقدروا يقاضوه

لأنه تحت ١٤ سنة .. 

كوستا ناس كتير هتختلف في حالته 

فيه اللي هيصنفه مجرم .. واللي هيقول عليه ده ضحية 

بس أيًا كانت نظرتك ليه إيه 

فحادثة زي دي كانت زي جرس انذار 

يخلينا ناخد بالنا من سلوك أطفالنا

ونهتم بيهم وبتفاصيلهم .. ونحاول نربي أطفالنا 

بشكل يخليهم يحترموا كل اللي حواليهم 

وإن التنمر جريمة.. وسبب كبير في تكوين جيل من المجرمين 

والمرضى النفسيين .. وإن خلق جيل جديد واعي وناضج 

مسؤولية كل واحد فينا ..

 

صور الضحايا