" هروب بلا جدوى .. متهم غير مذنب إختبأ 37 سنة في قبو .. قصة فيلم Parasite الحقيقية "
حد منكوا اتفرج على فيلم parasite ؟
الفيلم الحاصل على أربع جوائز أوسكار ؟
لو ما اتفرجتش ع الفيلم فسريعًا هقولك
انه بيتكلم عن عيلة فقيرة جدًا بتعتمد على النصب
للدخول لبيت عيلة ثرية والعمل به
وبيكتشفوا مع الوقت إن البيت بيسكنه في مخبأ تحت الأرض
راجل من سنين طويلة .. هربان من الحكومة
وده اللي حصل بالظبط مع كارل لوك
في عام 1964، كان فيه مواطن أمريكي اسمه "كارل لوك"
بيعيش في بيته مع مراته ، والحياة تمام جدًا
لعند ليلة ما يعلم بيها الا ربنا
كان بيت كارل لوك في منطقة شبه مهجورة ،
وفى يوم من الأيام لقى كارل تلات حرامية
بيحاولوا الدخول لبيته وسرقته ..
وكان رد فعل كارل الطبيعي انه يضربهم بالرصاص وبالفعل ماتوا
واتقبض على كارل متهم بقتل 3 أشخاص،
ولكن المحكمة طبعاً حكمت له بالبراءة
و اعتبرت الواقعة دفاعاً عن النفس.
إلا أن محامي الإدعاء، واللي كان طبعاً في صف الثلاثة المقتولين،
إتهم كارل بأنه خطط لقتلهم وانه ادعى انهم اعتدوا على بيته
وانه كان بينه وبينهم خلافات قديمة
والمحامي قدر يوفر شهود على كده
فجأة كارل لقى نفسه بدل ما كان بيدافع عن نفسه
انه هيتحول لسجين لمدة طويلة جدًا تصل للمؤبد
بدأت تتغير نظرة المحكمة لكارل
وحس كارل لوك أن الترابيزة هتنقلب عليه،
ويمكن يدخل إلى السجن، فاتفق مع مراته على الهروب
واستخبى في قبو أسفل بيت مهجور مجاور ليهم ..
هربان من حكم المحكمة .. مع انه ما عملش حاجة
ولأن كان القبو غير صالح للمعيشة صالح للمعيشة
ماتت مراته بعد كام شهر من الاختباء في القبو ..
وعاش كارل وحيد ، بيخرج في أوقات معينة كل كام يوم
يأمن أكله وشربه بأي طريقة كانت ويرجع يستخبى
ومر على كده كتير ؟!
٣٧ سنة .. ٣٧ سنة كارل لوك عايش بعيد عن الأنظار
وحابس نفسه بنفسه في قبو
مع العلم انه لو قدم نفسه للمحاكمة
كان زمانه خرج من السجن .. بس تقول ايه بقى ؟!
لحد ما في يوم من الأيام في بداية الألفينات
أسرة كبيرة تقرر انها تستأجر البيت اللي مستخبي في البدروم بتاعه كارل
ويبدأوا في تجهيزه علشان يسكنوا بيه
والموضوع ده كان له تأثير كبير على كارل
يعني في البداية كان خايف جدًا من ان حد يمسكه
وبعد كده .. يعني بعد ما أصحاب البيت الجداد
سكنوا بالفعل في البيت .. بقى حال كارل أفضل بكتير
لأنه بدل ما كان بيخرج كل كام يوم يسرق
اللي يقدر عليه من أكل وشرب
علشان يعيش بيه .. دلوقت البيت فيه سكان
وكمان ما يعرفوش أي حاجة عن القبو
اللي تحت البيت .. ولا يعرفوا بوجوده
فكان كارل بيخرج بليل من القبو يأكل ويشرب
ويرجع مرة تانية للقبو ولا من شاف ولا من دري
وقالك بس كده .. كده العيشة ارتاحت
ومرت الأيام حلاوة .. نومته موجودة بعيدة عن العيون
وأكله وشربه موجود في البيت كمان
ولكن مع الوقت وخصوصاً ان كارل كان كبر
وجو القبو كان أثر عليه وعلى صحته
وأصيب بالربو بسبب الرطوبة في القبو..
وهاتك يا كحة ..
لعند ما في يوم سمع حد من سكان البيت الجداد
صوت كحة راجل جاي من تحت البيت ،
واللي على طول طلب الشرطة ، واللي بعد بحث وصلوا لباب خفي
بيوصل للبدروم اللي ساكن فيه كارل
وقالهم قصته الكاملة ،
ولكن الغير متوقع واللي أصاب كارل بالصدمة
لما قالتله الشرطة أنه وبعد هروبه بكام يوم
إعترفت والدة المقتولين بأن ولادها بالفعل
كانوا اتفقوا على سرقته وحكمت المحكمة عليه بالبراءة..
ده بعد أيام بسيطة من هروبه .. أيام بسيطة فقط
عرف حكم البراءة بعد الهروب لمدة 37 عاماً كاملاً.
دلوقت بعد ما عرفت حكاية كارل ..
تفتكر ممكن الخوف يوصل الإنسان إنه يهدر حياته
بالشكل ده زي ما عمل كارل ..
تفتكر إن السلبية والخوف من المواجهة ..
هم الحل للمشاكل اللي بتواجهنا ؟
ولا فيه حلول تانية ..
ياريت تسيبولنا رأيكوا في الكومنتات ولفوا لفة في المقالات هتنبسطوا
المشاركات
ليست هناك تعليقات:
إرسال تعليق
أتشرف بتعليقك ونقدك دائمًا ..