" أطعمة مهمة لأسئلة الثانوية العامة ! "

 

 

 " أطعمة مهمة لأسئلة الثانوية العامة ! "

تلت التسعة كام ؟! .. ده سؤال من صعوبته وسهولته 

طلع تريند .. وسبب في حالة بكاء لبعض طلاب الثانوية العامة 

واللي لو كانوا شافوا الفيديو قبل الإمتحان 

كانوا عرفوا إيه أصناف الأكل 

اللي تخليهم مركزين أكتر ومكانش سؤال زي ده 

خرجهم من الإمتحان معيطين .. 

وأولهم ، التوت .. لأن التوت بيعزز وظايف المخ 

وبيخليهم مترابطين أكتر وبينشط الذاكرة

تاني حاجة ، الحمضيات زي الليمون والبرتقال 

واللي بتحسن من وظايف المخ بشكل عام 

تالت حاجة بقى ، ودي هتكون فرصة تطلبوها من أهاليكوا بقلب جامد 

الشيكولاتة الداكنة ، أو الدارك شوكليت 

لإحتوائها على مجموعة من المركبات

بتزود عملية تدفق الدم للمخ 

رابع حاجة المكسرات .. لإحتوائها على فيتامين E

والزنك والمعادن المهمة لبناء للمخ 

خامس حاجة ، البيض .. أيوه البيض ده 

اللي حضرتك بتقرف تاكله ع الصبح 

فلو فاكر إنك لما تنزل تمتحن خفيف ده في مصلحتك 

تبقى غلطان لأن البيت بيحتوي على فيتامين ب12 

وكولين وسيلنيوم وكل ده مهم للتركيز 

سادس حاجة .. السي فود 

الطلبة اللي معذبين أهاليهم علشان ما بيحبوش السمك 

كله يا حبيبي .. هيعلي مجموعك لأنه بيعزز الذاكرة 

ومهم لصحة  الدماغ بشكل عام 

أما بقى لو انت فاكر إن كوباية الشاي 

هي اللي هتخليك مركز وتخلص المادة في ليلة 

يبقى إنت فايتك كتير .. لأن عصير البنجر 

والليمون ، والنعناع ، وعصير القصب 

دول أفضل مشروبات وعصاير تقفل بيهم مواد 

ده غير بقى لو إنت ناوي تعدي إمتحاناتك على خير 

فتعالى أقولك شوية نصايح يخلوك الأول ع الدفعة 

لازم تفطر .. وبدل في فطارك العيش الفينو 

بالعيش الأسمر .. كل سلطة كتير على الغدا 

وياريت لو كوباية زباد قبل النوم يبقى تمام قوي 

علشان الزنك ، والكولين .. ذاكرة وتركيز 

وقبل ما تقفل الفيديو لازم تعرف إن فيه أكلات معينة 

هتخلي تركيزك زي مجموعك بالظبط .. ضعيف 

قالت الطبيبة النفسية في مجال التغذية 

والأستاذة في كلية الطب في جامعة هارفارد 

عقبالك كده .. إن فيه أنواع من الأكل 

بتضعف الذاكرة والتركيز وده مش حلو للي في حالتك

زي السكريات الكتير ، واللي بتزود 

نسبة الجلوكوز في الدماغ .. 

تاني حاجة الفاست فود ، اللي إنت رايح جاي 

تنهش فيه نهش .. والمقالي ، زي البطاطس 

أيوة هي الدهبي المقرمشة دي 

دي لوحدها ممكن تخليك تعيد السنة 

وكمان المكرونة .. بولونيز بقى 

نابوليتان .. بشاميل .. وأيًا كانت مسمياتها 

فهي بتقلل التركيز بشكل كبير 

ومعاها المعجنات اللي بتزيد من التشتت 

وإنت مش ناقص تشتت .. وخصوصًا

في أسئلة إختر من بين القوسين .. 

وفي النهاية .. أحب أقولك .. حاول تنفذ كل اللي في الفيديو 

على قد ما تقدر .. لكن وإنت بتنفذ النصايح دي 

خليك مرن ، وأوعى تحط على نفسك لوود كبير 

بسبب نظام الاكل والشرب .. 

لأن ده هيسببلك توتر .. وتوتر يعني نسيان 

ونسيان يعني ربنا يعوض عليك في المادة 

وربنا يوفقكوا ..