لعبة UFL مستقبل البلاي ستيشن .. وداعًا بيس ، وفيفا | game threatening PES and FIFA

 

" لعبة UFL مستقبل البلاي ستيشن .. وداعًا بيس ، وفيفا !  "

تخيل إنك في يوم ممكن تروح بلاي ستيشن

بس بدل ما تلعب بيس أو فيفا تلعب لعبة تالتة خالص 

تخيل إن فيه أجيال هتتولد وتكبر ممكن يتريقوا على فيفا 

واللي بيلعبوها ويصفوهم انهم عواجيز وقدام 

ده اللي حصل لما أعلن strikers studio 

عن إطلاقه للعبة كرة قدم تنافس وبقوة 

بل بتتفوق على فيفا واللي سيطرت على مجال ألعاب كرة القدم 

من سنة ١٩٩٣ و pes اللي ظهرت لأول مرة سنة ٢٠٠١ 

واللعبة دي إسمها ufl واللي أعلنوا على صفحتهم الرسمية 

عن مزايا كتير تنافسية ممكن تخلي بيس وفيفا من الماضي 

اللعبة مقرر نزولها خلال النص الثاني من سنة ٢٠٢٣ 

يعني من شهر ٦ لـ شهر ١٢ في السنة الحالية 

واللي بتتميز ب game play إحترافي وسلس 

على حسب التريلرز اللي نزلت على الصفحة الرسمية 

وبدأت اللعبة بداية قوية بتعاقدها مع عدد من نجوم كرة القدم 

زي كريستيانو رونالدو وروبيرتو فيرمينيو .. وكيفن دي بروين 

ولوكاكو ..  وغيرهم كتير .. 

والمميز في اللعبة هو حركة اللاعيبة اللي هتكون أكثر مرونة 

ومطابقة لطريقتهم في الحقيقة .. وكل ده بالإعتماد 

على تقنيات الذكاء الاصطناعي.. 

محرك اللعبة هيكون unreal engine 5 

واللي سبق وفشلت معاه شركة كونامي 

بلعبتها e-football وقدمت لنا جرافيك قذر الحقيقة 

وأخطاء لا تعد ولا تحصى … بس هل ufl 

هتنجح مع نفس المحرك أو لأ ؟ كلها كام شهر ونعرف بنفسنا 

من مزايا لعبة ufl إنها هتصدر بنسخ للغات كتير

منهم اللغة العربية وده خبر مهم وسعيد جدًا

لكل الجيمرز العرب .. وخصوصاً الناس اللي بتتوه 

جوه فيفا علشان يفهموا كل كبيرة وصغيرة 

اللعبة مقرر نزولها على أجهزة بلاي ستيشن فور وفايف 

وأجهزة إكس بوكس وكمان أجهزة ال pc 

لكن لسه ما أعلنتش عن موعد نزولها لهواتف الأندرويد 

نتمنى اللعبة تكون تجربة فريدة ومميزة 

زي ما بيوعدونا على صفحتهم الرسمية 

ونتمنى تعالج أخطاء الألعاب الموجودة في السوق 

لو هي بالفعل ناوية تنافس أكبر شركتين ألعاب في العالم 

اللعبة وفرت ويب سايت للإنضمام للعبة 

والتسجيل بيها بشكل مبكر .. وهو 

www.joinufl.com 

يلا إدخل سجل في اللعبة .. واستنى موعد اصدارها 

ودوس ستارت .. ونتمنالك التوفيق