دونالد ترامب ، رئيس أمريكا مُعرض للسجن |donald Trump to prison

دونالد ترامب ، رئيس أمريكا مُعرض للسجن |donald Trump to prison

 من رئيس لأكبر دولة في العالم 

لشخص مُعرض للسجن لمدة 35 سنة 

في حادثة تُعد الأولى من نوعها في تاريخ الولايات المتحدة الأمريكية 

دونالد ترامب .. على ذمة التحقيق 

دونالد ترامب من أكتر الرؤساء إثارة للجدل في التاريخ الأمريكي 

من أول ترشحه للإنتخابات الأمريكية 

وفوزه بمقعد وسط دهشة من الشعب الأمريكي

وطريقة إدارته للبلاد بشكل غريب ، وتصريحاته الغير مقبولة 

وحتى بعد ما قام من على كرسي الرئاسة 

إلا إن الغرابة ما بتخلصش 

واللي يعتبر أول رئيس أمريكي سابق 

تتوجهله كل التهم دي ، اللي هي مش واحدة ولا إتنين 

دول أكتر من 50 تهمة جنائية من أنواع مختلفة 

باكيدج كده لطيف يقعده كده في السجن الباقي من حياته 

والحقيقة إن الحملة دي بدأت من بعد ما أعلن ترامب 

ترشحه لإستعادة الرئاسة الأمريكية 

من خلال إنتخابات 2024 الجاية 

في قرار كده خده يوم تلات وهو قاعد بالمارتيني 

على البسين في منتجع (مارا لاجو) في فلوريدا 

واللي برغم كل اللي فات ده من شبهات جنائية وتساؤلات 

إلا إنه بعد إعلانه الترشيح بساعات عات قليلة

اتضح من خلال استطلاعات الرأي 

إن ترامب الأوفر حظًا في نيل مقعد الرئاسة

ومن هنا بدأت تنهال عليه كل القضايا دي 

وأولهم قضية الوثائق السرية 

واللي بيواجه فيها ترامب أكتر من ٤٠ تهمة 

بخصوص إساءة التعامل مع وثائق سرية

واللي اخدها معاه للبيت بعد ما مشي من البيت الأبيض 

وبناءاً على التهم دي داهم مكتب التحقيقات الفيدرالي الأمريكي الـ FBI

داهم بيت ترامب في نفس المكان اللي أعلن فيه ترشحه للرئاسة

وخلال مداهمتهم للمكان لقوا أكتر من ١٠٠ وثيقة سرية 

ده غير إن ترامب حاول يمنعهم خلال المداهمة من مصادرة الوثائق 

وده دليل كبير على إنه كان ناوي يحتفظ بيها 

وأعاق أفراد الـ FBI خلال بحثهم ودي تهمة لوحدها 

والتهم دي تعملها عشر سنين 

وبتندرج تحت قانون التجسس ، لأن إحتفاظ ترامب 

بوثائق كلها معلومات عن وزارة الدفاع ، 

وبيانات الجيش وتحركاتهم تهمة كبيرة جدًا 

ده غير ٨ تهم تآمر ضد الولايات المتحدة ، وتضليل العدالة 

وإدلاء ببيانات كاذبة ، دي تهم تعملها ٣٠ سنة 

وتهمة تحفظه على وثائق سرية بس ٥ سنين 

والحقيقة إن التهم دي كفيلة تدخل ترامب السجن وبكل سهولة 

لكن الإجراءات الأمنية والسياسية الخاصة بسجن رئيس سابق هتمنع ده 

وللأسف مش هينفع تتنفذ عليه نفس عقوبة السجن التقليدية 

الغريبة بقى إن بعد كل التهم دي 

شعبية ترامب لسه مرتفعة

وتصريحاته ملعلعة ، يعني راجل وارد يتحكم عليه بالسجن لمدة ٣٥ سنة 

وطالع يقول (أنا الوحيد الذي يمكنه الفوز في انتخابات ٢٠٢٤)

إزاي طيب ؟ .. محدش فاهم 

طبعًا محامي دفاع ترامب ، المدعي الفيدرالي السابق (توم بلانش)

أنكر كل التهم الموجه لترامب ، ونفى صلته بيها تمامًا

وإن دونالد ترامب رفع السرية عن الوثائق دي 

قبل ما يسيب منصبه كرئيس ، وقبل ما يسيب البيت الأبيض 

وياخدها معاه البيت ، بس للأسف دي وثائق ما ينفعش 

تترفع عنها السرية إلا بعد ما تحصل بسنين 

زي مثلاً كده ؟!! .. اه .. خطط للغزو الأمريكي الإيراني 

وبيقول كمان إن ترامب ما اتعاملش مع الملفات بحرفية 

لجهل منه بقوانين التعامل معاها .. يعني مجرد اهمال مش أكتر 

وإن ده حصل مع رؤساء سابقين كتير 

محدش منهم اتعمل معاه كده .. بس للأسف 

مش بالشكل ده برضه .. لو هو ما يقصدش الاحتفاظ بالوثائق دي 

ليه اعترض التحقيقات وحاول يمنع مكتب الـ FBI

من مصادرة الوثائق دي من بيته ؟

وغير القضايا دي في قضايا قديمة 

منها اللي ترامب ما قدمش نفسه للمحاكمة فيها 

وقضايا تم تبرأته منها .. زي تزوير مستندات رسمية 

وانفاق أموال حملة انتخابية في غير أغراضها 

وقضية أحداث الشغب في الكونغرس في انتخابات ٢٠٢٠

اللي هو متهم بتزويرها برضه .. وليلة كبيرة قوي سعادتك 

دلوقت بقى بعد م عرفت كم الاتهامات الموجهة لترامب 

تفتكر دي مجرد بروباجاندا لمنحه اهتمام أكبر ؟

ولا لجذب العالم لنية أمريكا في غزو ايران بشكل غير مباشر ؟

ولا دي مجرد ادعاءات لتعطيل تفوق ترامب 

في انتخابات ٢٠٢٤ .. ومنعه من دخول البيت الأبيض مرة تانية ؟

تابعونا على مدونة Amir Documents لأخبار ومقالات حصرية 

وحكايات نادرة